Ponteareas 19/6/2020.
A tod@s os meus alumn@s:
Seguramente moita veces soñabades con rematar na escola, ir ao instituto e facervos maiores; chegou o momento e é posible que agora esteades un pouco asustad@s, con nervios e coa incerteza de non saber como vai ser a nova etapa, o novo colexio…
Estade tranquil@s, todo vai ir ben. Recordades o primeiro día que viñéstedes ao colexio? Tamén vos sentiades así e erades pequenos. Será similar, alí faredes novas amizades, teredes novos profes e continuaredes a vosa aprendizaxe.
Marchades da escola deixando aquí a vosa pegada e botarémosvos moito de menos. Pero quedan moitos recordos que nunca esqueceremos: xogos, risas, excursións, algunha bronca…
A pesar das circunstancias que nos tocaron vivir, seguistes sendo responsables, estando motivados e esforzándovos na vosa aprendizaxe. Síntome orgullosa e quero fecilitarvos a vós e ás vosas familias, que vos apoiaron, para que vos mantiverades activos e non deixarades de aprender.
Non teño dúbida de que continuaredes facendo así. Non deixedes nunca de soñar, de ser curios@s , creativos e de inventar.
Ata pronto!!
Unha aperta moi grande,
Ángeles.
