Papel de sementes. Amig@ do medio ambiente

 Que che parece facer unha tarefa divertida, bonita, sen gastar diñeiro e sendo amig@ do medio ambiente.

Fabricaremos papel de sementes para facer sobres, cartas, etiquetas, tarxetas de invitación, scrapbooks... ahhhhh! e tamén poderás regalalas para sementar ( facendo o mesmo que cando plantas unha semente; porque o papel que conten a semente desintégrase na terra ca auga, e a semente xerminará).

Verdade que xa estamos desexando empezar?  

Pois poñámonos mans á obra.

PRECISAMOS:

*Papel que xa utilizaches, para darlle unha segunda vida: follas de libretas, papel de colores, xornais, aínda que deste último utiliza pouco porque oscurece máis.

*Pétalos de flores e sementes.

*Recipiente grande.

* Auga morna.

* Un coador.

*Licuadora ou batedora.

COMO FACER:

1. Rasgar o papel en anacos pequenos.

2. Introducir o papel no recipiente, botarlle abundante agua morna e deixar repousar unha hora e media.

3. Licuar con suficiente agua.

4. Engadir as flores e/ou as sementes.

5. Coar a masa co coador e espremer o exceso de auga coas mans.

6. Estirar  a masa cun rolo sobre unha superficie dura.

7. Pódeselle dar a forma  que se desexe, e colocar os pétalos onde máis guste.

8. Colocar sobre a masa estirada un trapo durante un tempo e logo retirar.

9. Deixar secar un día.  Pódesen  recortar os bordes se se desexa.

Hai unha canción que me gusta escoitar a miudo para que non se me esqueza que nunca hai que deixar de soñar para cumprir os nosos soños.

  

Espero que vos divirtades moito.

Unha aperta.

Ángeles