AN ALFAYA

A que cheiran as follas do LIQUIDÁMBAR?

Que sorte tivemos onte!
Recibimos nada menos que a visita de AN ALFAYA.
O mesmo que  " O AROMA DO LIQUIDÁMBAR", AN encantounos. Resultou entretida, divertida, simpática.... Coma ela sabemos que os olores tráennos recordos, que a través deles  podemos identificar as persoas e os lugares.

As nosas opinións:

Aída:  “O que  máis me gustou do que dixo An,  foi a historia de como xurdíu o libro “ O aroma do liquidámbar”: como foi o seu nacemento, canto tardou en escribilo, os tratos que fixo con Mario, o seu fillo…”

Laura: “Todo o que ela dixo gustoume, pero algo que me entusiasmou moito, porque a min tamén me ocorre, foi que dixera que cando escribía se sentía libre porque ninguén  lle dicía o que tiña que escribir”.

Jorge: “Falou do libro “ O aroma do liquidámbar” e  eu lino; por iso gustoume que falara del. Ademais o libro escribiuno grazas ao seu fillo. Que divertido!”

Mateo: “Gustoume que dixera que lle gustan as mates, coma min”.

Estela : “Todo o que dixo encantoume, sobre todo as dúas divertidas anécdotas. A súa simpatía, a súa sinceridade e cando fala o seu tono de voz é moi gracioso, non  é seria”.

Alejandro Agís:” A anécdota da nena chamada Abril, que logrou que un personaxe de An levara o seu nome. Que sorte!”

FOI UN PRACER AN ALFAYA PODER ESTAR CONTIGO. GRAZAS